Douço Franço (Douce France - Charles Trenet)

Me revènon en memòri
Di souveni famihé,
Revese ma blodo negre
Dóu tèms qu’ère escoulié ;
Sus lou camin de l’escolo
Cantave à pleno voues
Dis roumanço sens’paraulo
Vièio cansoun d’autre-tèms.

Douço Franço,
Car païs de moun enfanço,
Bressado de tendr’inchaienço
T’ai tengudo dins moun cor.
Moun vilage au clouchié, is oustau sage,
Ount’ li pichot de moun age
An parteja moun bonur
Si, iéu t’ame
E te doune ‘quèu pouèmo
Si, iéu t’ame
Dins la joio e la doulour.
Douço Franço,
Car païs de moun enfanço,
Bressado de tendr’inchaienço,
T’ai tengudo dins moun cor.

Ai vist d’autri païsage,
Di soulèu meravihous
Au moumen de luen viage
Avau, sout d’autri cèu
Mai coum’ ame miéus
Moun cèu blu, moun ourizoun,
Ma grand’routo e ma ribiero
Ma pradiero e moun oustau

(Reviraduro en prouvençau pèr Leo REYRE)

La Mountagno (la Montagne - Jean Ferrat)

Quiton un per un lou païs
Per s’en ana gagna sa vido
Luen de la terro ounte soun na.
I’a proun de tèms qu’en pantaiavon
De la vilo e de si secrèt,
Dòu formica e dòu ciné.
Li vièi èron pas ouriginau
Quouro se panavon machinau
D’un revers de mancho li brego
Mai sabien toutis à prepaus
Tua la caio o lou perdigau
E manja la toumo de cabro.

Pamèns, que la mountagno es bello !
Coumo se pòu imagina
En vesènt un vòu d’iroundello
Que l’autouno vèn d’arriba ?

Eme li man dessus si testo
Avien mounta di mureto
Fin la cimo de la coulino.
Que fan li jour e lis anado,
Avien touti l’amo ben nado,
Nouseludo coum’un ped de vigno.
Li vigno, courron dins la fourèst,
Lou vin sara plus tira
Ero un’ourriblo trempo
Mai fasié di centenàri
Que sabien plus de que n’en faire
Se vous tournavo pas la testo.

Pamèns, que la mountagno es bello !
Coumo se pòu imagina
En vesènt un vòu d’iroundello
Que l’autouno vèn d’arriba !

Dous cabro espiei quatre móutoun,
Un’anado bono e l’autro noun,
E sens vacanço e sens sourtido.
Li drolo volon ana au bal
Es rèn de mai que de nourmau
Que de voulé viéure sa vido ;
Sa vido ! Saran pouliçoun o founciounàire
De qu’espera sens se n’en faire
Que l’ouro de la retrèto souno.
Fau saupre li causo qu’aman
E s’ensarra dins soun HLM
Per manja soun poulet is ourmone.

(Reviraduro en prouvençau pèr Leo REYRE)

Dins un cantounet de mountagno,

Un pichounet savouiard

Disiè soun amour souto l’or dis estello

An’uno poulido pastourello :

« Estello di nèu,

Moun cor amourous

S’es pres au las de tis iue dous

Te doune pèr gage

Uno pichoto crous

E de t’ama per tout lou tèms

Fau juramen. »

« Ai! las , respoundiè la chatouno,

Que diran nosti parènt ?

E coume farèn

Avèn pas proun d’argènt

Per nous marida tre lou printèms »

« Estello di nèu,

Sèco ti bèus iue

L’amour se sousto souto lou cèu,

Parte en vouiage,

E quand revendrai

Plus rèn , jamai

Empachara lou maridage. »

Alor partiguè pèr la vilo

E ramounaire faguè ;

Sus touti camin

Emé vènt, emé pluèio,

E negre de sujo tau lou Malin ;

« Estello di nèu

Po’s seca ti plour

Lou cèu aparo toun tèndr’ amour,

Perdes pas paciènci ,

Bèn lèu revendra,

E pèr toujour

Pourras dourmi entre si bras . »

E quand li bèu jour reflouriron

S’en revenguè au amèu,

E sa tèndro mìo l’esperavo au soulèu

Entre li sounaio dòu troupèu .

« Estello di nèu,

Ti garçoun d’ounour

Van en courtege, pourtan de flour,

 Reviraduro : Bernadeto S.  febrie 2018                                       

  *Etoile des Neiges : Paroles d'André Claveau, chantée par Line Renaud                                                                                         

Un’ilo
Entre lou cèu e l’aigo
Un’ilo
Sens’ome ni batèu
Inculto
Un pau coum’un’escorno
Sóuvage
Sens’espèr de viage
Un’ilo
Un’ilo
Entre lou cèu e l’aigo.

Sarié aqui, davans la mar immènso,
Aqui sens’espèr d’esperanço
Soulet davans ma destinado
Mai soulet qu’au cor d’uno séuvo
Sarié aqui dins ma propro desfacho
Tout soulet sens’espèr de counquisto
Que saupriéu à la longo perqué
T’ai leissado, iéu qu’amo que tu.

Un’ilo
Coum’uno ciblo d’or
Tranquilo
Coum’un enfant que dor
Fidèu
A n’en mouri per elo
Crudèlo
A forço d’estre bello
Un’ilo
Un’ilo
Coum’un enfant que dor.

Sarié aqui, davans la mar immènso
Aqui per venja mi venjanço
Tout soulet emé mi souveni
Mai soulet qu’au moumen de mouri
Sarié aqui, au cor de Santo-Eleno
Senso joio, sens’ amour e sens’isagno
Que saupriéu à la longo perqué
T’ai leissado, iéu qu’amo que tu.Un’ilo

Entre lou cèu e l’aigo
Un’ilo sens’ome ni batèu
Inculto
Un pau coum’un’escorno
Sóuvage
Sens’espèr de viage
Un’ilo
‘Quest’ilo
Moun ilo, es tu.

(Reviraduro en prouvençau pèr Leo REYRE)