L’INMOURTALO

Musique et paroles béarnaises Michel Maffrand, Geneviève Maffrand Jacques Roth. Adaptation Provençale Jean Bernard Plantevin.

Sabe un païs, e uno flour .....( e uno flour, e uno flour )

que l’apelan la de l’amour, ....( la de l’amour , la de l’amour ).

Refrin :

Vai pichot, fau camina, fau camina,

Amount vers l’inmourtalo.

Vai pichot, fau camina, fau camina,

Lou païs fau cerca.

Eilamoundaut, i’a uno lus,.....( e uno lus, e uno lus )

Fau ié garda lis iue dessus....( lis iue dessus, lis iue dessus )

Refrin………….

Mai pèr i’ana, i’a de roumias...( i’a de roumias, i’a de roumias )

Se pougnaren li man lou nas...( li man lou nas, li man lou nas )

Refrin..........

Bélèu veiren jamai la fin..... (jamai la fin, jamai la fin)

La liberta n’es lou camin..... ( n’es lou camin, n’es lou camin )

Refrin……………

Après lou su, un autre su..... ( un autre su, un autre su )

Après la lus, uno autro lus.... ( uno autro lus, uno autro lus )

Refrin……Reprendre lou refrin mai vite ).

La COUPO SANTO

Prouvençau, veici la Coupo
Que nous vèn di Catalan ;
A-de-rèng beguen en troupo
Lou vin pur de noste plant.

Coupo Santo
E versanto
Vuejo à plen bord
Vuejo abord
Lis estrambord
E l'enavans di fort !

D'un vièi pople fièr e libre
Sian bessai la finicioun ;
E, se toumbon li Felibre
Toumbara nosto nacioun.

D'uno raço que regreio
Sian bessai li proumié gréu ;
Sian bessai de la patrìo
Li cepoun emai li priéu.

Vuejo-nous lis esperanço
E li raive dóu jouvènt,
Dóu passat la remembranço
E la fe dins l'an que vèn.

Vuejo-nous la couneissènço
Dóu Verai emai dóu Bèu,
E lis àuti jouïssènço
Que se trufon dóu toumbèu.

Vuejo-nous la Pouësio
Pèr canta tout ço que viéu,
Car es elo l'ambrousìo
Que tremudo l'ome en diéu.

Pèr la glòri dóu terraire
Vautre enfin que sias counsènt
Catalan, de liuen, o fraire,
Coumunien tóutis ensèn !

Coupe sainte

Provençaux, voici la coupe
Qui nous vient des Catalans
Tour à tour buvons ensemble
Le vin pur de notre cru.

Coupe sainte
Et débordante
Verse à pleins bords
verse à flots
Les enthousiasmes
Et l'énergie des forts !

D'un ancien peuple fier et libre
Nous sommes peut-être la fin ;
Et, si les Félibres tombent
Tombera notre nation.

D'une race qui regerme
Peut-être somme nous les premiers jets ;
De la patrie, peut-être, nous sommes
Les piliers et les chefs.

Verse nous les espérances
et les rêves de la jeunesse,
Le souvenir du passé
Et la foi dans l'an qui vient.

Verse nous la connaissance
Du Vrai comme du Beau,
Et les hautes jouissances
Qui se rient de la tombe.

Verse nous la Poésie
Pour chanter tout ce qui vit,
Car c'est elle l'ambroisie
Qui transforme l'homme en Dieu.

Pour la gloire du pays
Vous enfin nos complices
catalans, de loin, ô frères,
Tous ensemble, communions !

LA CAMBO ME FAI MAU

Noël traditionnel provençal, par Nicolas Saboly (1614 - 1675)

I'a proun de gènt
Que van en roumavage
I'a proun de gènt
Que van en Betelèn
Ié vole ana
Ai quàsi proun courage
Ié vole ana
S'iéu pode camina

La cambo me fai mau
Bouto sello, bouto sello
La cambo me fai mau
Bouto sello à moun chivau

Toui li bergié
Qu'èron sus la mountagno
Toui li bergiè
An vist un messagié
Que i'a crida
Metès-vous en campagno
Que i'a crida
Lou Fiéu de Diéu es na!

La cambo me fai mau
Bouto sello, bouto sello
La cambo me fai mau
Bouto sello à moun chivau

En aquest tèms
Li fèbre soun pas sano
En aquest tèms
Li fèbre valon rèn
Ai endura
Uno fèbre quartano
Ai endura
Sènso me rencura

La cambo me fai mau
Bouto sello, bouto sello
La cambo me fai mau
Bouto sello à moun chivau

Quand aurai vist
Lou Fièu de Dièu lou Paire
Quand aurai vist
Lou Rèi de Paradis
E quand aurai
Felicita sa maire
E quand aurai
Fa tout ço que déurai

N'aurai plus ges de mau
Bouto sello, bouto sello
N'aurai plus ges de mau
Bouto sello à moun chivau